KZN BUSINESS HUB TO CEMENT BRICS ECONOMIC TIES AMONG ORDINARY PEOPLE

The provincial economics cluster have gone all out and left no stone unturned in making the 5th BRICS two-day Summit currently taking place at the Durban's International Convention Centre and the adjacent Exhibition Centre into a runaway success,that must also benefit the average businesspersons in South Africa.

KwaZulu-Natal MEC for Economic Development and Tourism, Mike Mabuyakhulu has launched what he calls the "vital linkage between the ordinary business community and our visiting delegates" and should help capacitate and empower them to foster and strenghten economic ties while the political leadership from the BRICS partner countries deliberate on new economic growth and trade development fraternal programmes.

Accompanied by the top brass from their provincial business entities, namely; Tourism KZN, Trade and Investment KZN, KZN Growth Fund, IThala Development Finance Corporation, Dube TradePort, Richards Bay Industrial Zone, Agri-Business Development Agency and  the Durban Industrial Promotion   Agency, Mabuyakhulu launched the KZN Business Hub at one of the leading beachfront hotels on Monday.

We want to, says Mabuyakhulu, put the message across to our visiting delegates that KZN business community and our citizens were made of the 'most powerful economic minds' and want to make the best outcomes out of the 5th Bricks Summit, as my department has taken note of what may hve gone horribly wrong with the previous BRICS meetings.

"As DEDT, we have literally studied the shortfalls of previous government platforms at the last two government platforms during the last past-immediate two BRICS conferences, and, we ain to meticulously plug the gaps.
By launching the KZN Business Hub, we want to reposition KZN as the epicentre of African economic growth and development.
For our business community and the ordinary citizenry were created the state of the art, convenient and a fully-equipped facility whereby they could network, foster and strengthen economic ties with their fellow BRICS nation states counterparts flowing from this pivotal symposium that aim to develop strong economic growth and development." says Mabuyakhulu.

Added, Mabuyakhulu, his government puts the citizens first. Hence, we have provided you with a facility that was fully laden with all the latest digital gadgets to access all the leading business networks around the world.
And we have also provided the BRICS delegates with access to the net. DEDT officials will be on standby to advise BRICS delegates with vital information and advices of the business opportunities that our province has to offer.
We want to forge strong and sustainable economic ties through the KZN Business Hub convergennce tools in order to deepen and fasttrack strong economic ties within the emerging new global political economy framework.

"We chose this theme because the latest developments within the global economic space have shown that Africa, and South Africa in particular, is not only the next frontier of growth but is destined to be the biggest economic storyline of our contemporary time.
KZN has positioned herself to leverage all these opportunies, and, what a better place than at a BRICS Meeting taking place in the ever-warm,coastal city of Durban." summed Mabuyakhulu.
ENDS

AKAGXOSHWA NGANI LO'MATHALE WASELIMPOPO NA?

IZAKHAMUZI zaseNingizimu neAfrika kazikholwanga ngonyaka ka1997 lapho owayengumongameli  wezwe, uNelson Rolihlahla Mandela, elitheza phezulu ngokugxosha uzakwabo kwezomzabalazo (futhi abekade bendonse naye udilika-jele eRobben Island) owabe enguNdunankule waseMpumalanga Kapa, uBba Raymond Mhlaba.

Nakuba isimo sezepolitiki ngaphakathi eqenjini elibusayo kulelizwe, uKhongolose, kanye nokuhlumelisa inkambiso yokubusa ngokwentando yeningi (constitutional democracy) kuleminyaka esesikuyo namuhla,  sengeyukuyifanisa ncamashi nokwakungunyaka wesithathu lelizwe lifumane uhulumeni wentando yeningi, kodwa-ke, uTta Madiba wakwazi ukuhola ngobuqotho nesibindi kwezepolitiki, phecelezi, "political will".

Njengomongameli wezwe okhethwe ngokwentando yeningi, ajkazange alokhu ebhala ecisha futhi ebukela abantu bakhe bebhubha ububha bamabomu eMpumalanga Kapa ngenxa yokwehluleka ukuhola ngokuyikho kukaNdunankule wesifundazwe.
Umongameli Mandela wavele wamkhomba indlela loyandunankulu kwangabi ndaba zalutho, futhi nokusebenza kwesifundazwe kwabuyela kuzinzo lokuphucula izimpilo zezakhamuzi ngokwamukelekiyo.\

Ngaphandle kokuvikela (engingenalungelo lokikwenza) uNgqogqoshe weMfundo yamazinga aphansi kuzwelonke, Nkosikazi Angie Motshekga, okunguye okufanele abhekane ngqo nalensumansumane yempicabadala yokungalethwa kwezincwadi zabafundi kwisifundazwe saseLimpopo, kufanele ibhekiswe ngqo emnyango kaNdunankulu Cassel Mathale.

Asikho nesincane isizathu sokulokhu siya ngapha nangapha -sifunisela ngabantu abanezinjongo ezimbi- kwezokuhola ngokwezinkambiso zikaKhongolose futhi okuyibo abadicilelele phansi imfundo yezingane zaseLimpopo.

UNdunankule wesifundazwe saseLimpopo, uMhlopniswa Cassel Mathale, wehlulekile, uyisahluleki futhi uyehluleka.

IInjumbane ngiyikhomba kuMathale nje, ngiyakuqonda kabanzi ukudunguzela kwesimo sezepolitiki kulesiyasifundazwe, kodwa-ke, siyizakhamuzi zakuleNingizimu neAfrika ekhululekile singekwazi ukubukela osopolitiki behudulela phansi ukusebenza ngokuzimisela kobuholi obuphezulu bukaKhongolose ngoba benezinhloso zabo ngalobuholi umasekubhekwe okhethweni lweqembu ngenyanga kaZibandlela kophezulu.

Sekuyabonakala manje ukuthi ngesikhathi uhulumeni kazwelonke uthatha isinqumo sokwengamela iminyango emihlanu kulesiyasifundazwe ngenyanga kaZibandlela 2011, kwakufanele ngesikhathi esebenzisa ngokweSigaba seKhulu -Section 100- soMthetho-Sisekelo wakulelizwe, ukuba uMongameli Zuma wavele wamkhomba indlela uNdunankulu Mathale, ukuzwe ukubuswa kwesifundazwe kubuyele kuzinzo olwamukelekiyo.

Ngokophenyo engilwenzile kuvela isithombe sokuthi ukuthengwa kwezincwadi ezizosebenza ekuqaleni konyaka olandelayo (January 2012) kwakufanele ukuba sekwenziwe kwaqedwa ngesikhathi uhulumeni kazwelonke ungenelela ekusingathweni kwenqwaba yeminyango (administration) kulesiyasifundazwe.

Ngezizathu ezaziwa nguye uMathale neKhabinethi yakhe -zingasabalwa-ke izinhlamba athukwa ngazo uMongameli wezwe kulesiyasifundazwe- lohulumeni oholwa nguMathale awukwazanga ukuhlinzekela izingane zakulesiyasifundazwe ngezinsiza zokuthula "Impilo engcono kuwonke wonke.
Esikuzwayo nje ngukuthi kulesiyasifundazwe kukwampunzi edla emini kwizikhulu ezisondelene noMathale uma sekuziwa ekuhlomuleni ngama"Tender kaHulumeni" kubobonke labo abaziwa ngokusonselanda naye.

Nxamalala, Msholozi, Mongameli owakhethwa ngokwentando yeningi yizakhamuzi zakulelizwe ekubuseni ngokungachemi nobuqoptho, sesifikile isikhathi sokuwudedela umpetshisi kulabo sopolitiki abahola ngokugigiyela ngaphansi kobuholi bukaKhongolose.

KUSAZOSHUBA NGAMA E-Tolls NABAKHOKHI-NTELA KULELIZWE

SEYIPHINDE yaqala phansi lenzukazikeyi kubasebenzi bakahulumeni (kuwowonke amazinga) ezweni laseNingizimu neAfrika, lapho minyaka yonke kufanele babhekane ngeziqu zamehlo ngezinkinga eziqhamukayo uma sekukhulunywa ngokukhushulwa kwamaholo ngokwamukelekile, phecelezi "living wages."




Ngiphakamisa loludaba nje, konakele kulezinsuku phakathi kwabamele uhulumeni omkhulu, abaxazululi abazimele kanye nabaholi abamele izinyunyana.



Phela sekuze kwaphela golokoqo inyanga yesithathu, kusukela kuMashi, kukhulunyiswana ngokunyuswa kwamaholo kulonyaka wokusebenza esikuwo (2012/13 Financial Year) kodwa zisayime emthumeni ngesivumelwano esizomukeleka kuzo zonke lezinhlaka.



Okubacasula du labo abamele abasebenzi, ilokufathuza nokuhlwathiza bobumpumputhe obenziwa ngabaholi abaphezulu kulohulumeni wentando yeningi.



Ungangitshela nje ukuthi lempi eliwa nguhulumeni omkhulu lapho uNgqongqoshe wezeziMali kulelizwe, umnumzane Pravin Gordham, efake isicelo ngeNkantolo Enkulu yaseGoli (North Gauteng High Court) ngodaba lwesinqumo seJaji Bill Prinsloo, sihlanganaphi nje nokwenyuswa kwamaholo abasebenzi bakahulumeni kulelizwe?



Nakuba isikhalo sami sanamuhla singaqondene nobugovu benhlangano yakwa South African National Roads Agency (SANRAL),kodwa ngasemaphethelweni ngizophoqeleka ukucacisa ngalokhu kusebenzisana nangokuzinothisa kukahulumeni nalabobhululu bakhe.



Ngikhuluma nje kubophene inja nogodo kwisiphakamiso sabasebenzi bakahulumeni ukuthi mabangezelwe okungenani ngamaphesenti angu 8.7 ngaphezu kwalemiholo yabo,evele engatheni kuyimanje.



Kodwa lohulumeni owabekwa ngabo labasebenzi ezikhundleni zokubusa awuzwa mshini kulesicelo sabasebenzi, uma usiqhathanisa nalokwenyuka kwansuku zonke kwezidingo zokuphila kulelizwe.



Manginikhumbuze ukuthi eminyakeni emibili eyedlule (2010) yena kanye lohulumeni waze waphoqeleleka ukwenyusa imiholo yabasebenzi bakhe ngamaphesenti angu 7.8, kanye nomxhaso wokukhokhela izindlu ngamakhulu ayisishiyalombili(R800) ngoba bona kanye labasebenzi sebeze bagcwala imigwaqo betoyiza, sebembiza nangaphansi kweziketi lowo owabe enguNgqongqoshe obhekele ezabasebenzi ngalesosikhathi.



Gwiqiqi, kulonyaka ophelile (2011) yena kanye lohulumeni waphinde wawashovela phansi amaholo abasebenzi bakhe, ngoba banikezwa imvushwana engu 6.8% makwenyuswa imiholo yabo.

Ngapha,amanani ezidingo zokuphila ayenyuka nsukuzonke kodwa yena uyakwehlisa ukukhuphula amaholo abasebenzi.



Isithombe esiliqiniso siveza ukuthi izinyunyana zabasebenzi beziqale ngokuphakamisa ukukhushulelwa amaholo ngo 10%, kodwa ngokuzwela na lohulumeni wazo oholwa nguBaba uMsholozi, kodwa zaphinda zehlela ngezansi njengoba sezimi ku 8.7% qwaba.



Okudabukisayo nokho, kungukuthi ngasohlangothini lukahulumeni babekade bephakamise ukunyusa imihlomulo yabasebenzi ngo 4.5%. Kodwa-ke, ngemuva komdonsiswano wezinyanga ezintathu, lohulumeni usabhdazela nje uyaziphuphela emini kabha ngoba uthi yena usemile ku 5.9o/o futhi angeke esagudluka.



Lokudonsa izinyawo kukahulumeni omkhulu kuyacasula ngoba ugwema ukunyusela abasebenzi bakhe izimali zomholo, kungenxa yakhe kanye nokuba nezimfunda-makhwela kwaboNgqongqoshe abaphathise iminyango ebalulekile kulelizwe.



Zolo lokhu, ongungqongqoshe wezezimali kulelizwe, kade ekhuluma kwiSidlo saseBusuku eThekwini, ubeke kwacaca futhi ngiyamcaphuna ngolukaMageba njengoba wayebeka.



"Isinqumo esithathwe yiNkantolo Enkulu yaseNhla nesifundazwe saseGauteng ukumisa ukusebenza kwemigwaqo ekhokhelwayo kulesiyasifundazwe isibulele kakhulu singuhulumeni omkhulu kumgodla wethu wokuqongelela nokusebenzisa izimali zabakhokhi-ntela.

Njengoba bekubheke ukwakha inzuzo ebalelwa ku R270 million ngenyanga kulemigwaqo ekhokhelwayo, akusezukwenzeka.

Kunalokho, sekuzoba nguhulumeni omkhulu osuzobhekana nesikweletu sezigidigidi ezibalelwa ku R 20 billion ezabe zibolekwe abakwaSANRAL ukulungisa nokuphucula lemigwaqo enguthela-wayeka kulesifundazwe saseGauteng.

Njengohulumeni wakulelizwe sizokuthola kunzima kakhulu ukuthi singakwazi ukwenyusa imiholo yabasebenzi ngokwevile,simpitshekile ekusebenzeni kwezimali kulelizwe, phecelezi "inflation rate."



Umbuzo-ke engiwuphonsela abasebenzi bakahulumeni, iningi labo okungamanyama kulelizwe, ngothi kubafanele yini ukuba mababulawe ingcindezi yobubha bengabasebenzi ngoba nje lohulumeni wabo kade ethathe izinqumo emakhosombeni bebodwa, kepha bafike abayizazi zomthetho babachitha, ngoba nakhu belu abaxhumananga (consultation) ngokuyikho nezakhamuzi zakulelizwe.

Tee 7A Team playing @Indaba 2012, Durban Country Club (Courtesy of Indaba Daily News, May 11,2012)

Nkonzwenhle Mqadi @2012, among other things, fishing @Sea Point,attending the RSA President Jacob Zuma's70th Birthday + playing@Indaba Tourism Golf Day.

UHULUMENI NOMKHANKASO OTHI 'MAZIDLE KHAYA'

UHulumeni nomkhankaso othi 'Mazidle ekhaya'

Inbox

x

KUNGEKUDALA kuqopheke umlando eThekwini lapho bekusayinwa isivumelwano sokubambisana kuthuthukiswa ezamabhizinisi phakathi kukahulumeni wesifundazwe saKwaZulu-Natal kanye nabakwa Proudly South Africa.

Bobabili uMphathiswa obhekele ezokugqugquzela nokuthuthukiswa kwezomnotho kwelikaMthaniya, umnumzane Michael Mabuyakhulu kanye noyisikhulu esiphezulu esengamele iProudly South Africa, ummeli Lesley Sedibe, bakusho kwagcwala umlomo ukuthi sesifikile isikhathi lapho izakhamuzi zakulelizwe sekufanele zihwebe futhi zisebenzisane negalelo likahulumeni omkhulu ngokuzithuthukisa besebenzisa wonke amathuba asebewahlinzekelwe nguhulumeni wentando yeningi kulelizwe.

Kungabe wona lomkhankaso wokuthi mazidle ekhaya unaso yini isisekelo, kanti futhi yena uhulumeni omkhulu kulelizwe uyawuqhakambisa yini na?

Ngemuva kokwenza ucwaningo olujulile ngalohulumeni oholwa nguBaba Msholozi, kanye nakuzo zonke (eziyisishiyagalolunye) izifundazwe ezakhele elaseAfrika eseNingizimu, ngithole ukuthi izakhamuzi zakulelizwe zinomthwalo osemahlombe azo ukuthi masibhukule sizifukule ngokwethu sibambisene nezinhlaka esizakhelwe nguhulumeni ukuze sibone lelizwe lithuthuka ngakwezomnotho. Phela, cishe kuzozonke izifundazwe kulelizwe kunesakhiwo esibhekele ukuhlinzeka ngezimali kanye nokuthuthukisa izakhamizi kwezamabhizinisi.

Ngesikhathi ethula iSabelo-Mali obhekele okunguMgodla wezimali kulelizwe ekuqaleni konyaka, umnumzane Pravin Gordham, wabela izigidi ezibalelwa kuR9,5 billion kuleminyaka emithathu ezayo ukunakekela nokucathulisa ezamabhizinisi akhele lelizwe.
Ngalesabelo wabe ebhekelela ukuthi mawaqongelele ukuzikhulisa ngokuhweba nokuhwebelana ngaphakathi kulelizwe, phecelezi, 'private sector investment'.

Inhloso-ngqangi yesabelo-mali kwabe kwenzelwe, ikakhulukazi abanamabhizinisi asafufusa (small medium enterprises-SME's) ukuba mabazisondeze kwizinhlaka zikahulumeni ezakhelweukuthuthukisa nokubhekela ezomnotho kwisifundazwe nesifundazwe kulelizwe.

EKwaZulu-Natal nje, okuyisifundazwe esinechweba elisebenza imini nobusuku kufukulwa ezomnotho kulelizwe, lagixabezwa ngezizumbulu zemali ukusiza ngokuhlomulisa izakhamuzi zakulelizwe kumabhizinisi eziwengamele.

Izinhlangano ezaziwa njengeTrade and Investment KZN kanye ne Investment KwaZulu-Natal, ziyivulile iminyango ukuthi kusizakale osomabhizinisi bakulesifundazwe ukuze basizakale kumathuba okuthuthukisa amabhizinisi abawengamele.

Kwisifundazwe saseLimpopo ngonyaka ka 1996, kwakhiwa isakhiwo esaziwa ngeTrade and Investment Limpopo (TIL) esisebenzisana nohulumeni wesifundazwe njengesango lokuthuthukisa bonke osomabhizinisi bendawo ukuzithuthukisa kwezomnotho.

Kunane Mpumalanga Economic Growth Agency, eyisakhiwo sokugqugquzela ukufukulwa kwezomnotho kubantu bonke abakhele lesiyasifundazwe uma bezithuthukisa kwezamabhizinisi asebenzela nabhekele ezomnotho lkwelaseMpumalanga.

Nakube isifundazwe saseNhla neKapa saziwa ngokukhiqiza idayimane kakhulukazi, kodwa nakhona zikhona izakhiwo zikahulumeni zikuthuthukisa izakhamuzi kwezomnotho, njengokudoba kanye nezokuvakasha.

Kwisifundazwe saseNhla neNtshonalanga, siyazi kunesakhiwo esaziwa ngeINVEST NORTH WEST, okuwuhlaka olwakhelwe ukuthuthukisa izakhamuzi kwezomnotho kulesiyasifundazwe.

Nakube kuyisifundazwe qabasibiza njengesimpofu ngokwedlulele kulelizwe, kodwa uhulumeni wasihlinzeka ngeEastern Cape Development Corporation, ukuze sihlinzekele izakhamuzi ngamathuba okuzifukula ngakwezomnotho kwisifundazwe sabo.

Naso kanye lesifundazwe esincela izithupha kwezomnotho kulelizwe, uhulumeni wentando yeningi akasikhohlwanga ngoba wabakhela iFree State Development Corporation, ukuze bonke osomabhizinisi abakhele lesiuyasifundazwe basizakale ngokuzifukula kwazamabhizinisi.

Nakulo iKapa lodumo, uhulumeni wentando yeningi sewalakha uhlaka olubizwa nge WESGRO 9Western Cape Investment and Trade Promotion Agency) ukuze zonke izakhamuzi ezakhele lesiyasifundazwe zibhekelelwe ngokulinganayo kumathuba okuzithuthukisa kwezamabhizinisi.

Ezimtoti emadlebeni ezakhamuzi zaseNtshonalanga Kapa ngezithi, ngisho umnyango obhekele ezokuhweba namabhizinisi kulelizwe (Dept of Trade and Industries) sewuphinde wengeza ngo R2,25 billion ukuze kuthuthukiswe okwaziwa ngama Special Economic Zones kulesiyasifundazwe.

Kodwa-ke, usiba lwegwalagwala kozofanele silichome isifundazwe esingongqo-shishilizi ngakwezomnotho kulelizwe, iGauteng.
Njengoba lesifundazwe sizihambela sodwa ngobunyoninco kwezomnotho kulelizwe, singelikhohlwe igalelo elidlalwa ngabakwa Gauteng Economic Development Agency (GEDA)  okuyisakhiwo sikahulumeni esibhekele ezokuthuthukiswa kwezomnotho kubobonke abakhele lesiyasifundazwe.

Ngakho-ke ngiphetha ngokuhlaba ikhwelo lokuthi ukuze leNingizimu Afrika ibalwe njengamanye amazwe asathuthuka futhi anekusasa eliqhakazile, siyizakhamuzi zakulelizwe, masisebenzisane nazozonke izinhlaka ezakhiwe nguhulumeni ukuze - UMKHANKASO WOKUTHI MAZIDLE'KHAYA UBE IMPUMELELO!

Kubhale NKONZWENHLE mQADI
            (OnguMbhali ozimele waseThekwini)
    Cell: 0825816323

eMakhehleni ClubHouse - Mangificwa Umzuzu Wokugcina!

"Miss Me, Folks - But Let Me Go!"

When I come to the end of the road
And the sun has set for me
I want not rites in a gloom-filled room
Why cry for me,Nkonzwenhle HH Mqadi,
A soul set free?

Miss me a little,Folks -But not too long
And not with your head/s bowed low
I am/was a strong-willed personality
Remember the love (+jokes) that we once shared
Miss me,Yes,- But let me go!

For this is a journey that we must take
And each must go it alone
It's all a step in the Master's Plan
A step on the road HOME.

When you are lonely,and sick of heart
Go to the family we know
And bury your sorrows in
doing good deeds
Miss me,'Old Timers'-But,now,let me go!

Crafted By: Nkonzwenhle HH Mqadi
Dated: 21 April 2012
Place: eMakhehleni Clubhouse,Reunion, Durban,KZN, RSA